Tom Barrack: Radestkirina çekan ji dewletê re pîroz kir

PeyamaKurd - Nûnerê Taybet ê Serokê Dewletên Yekbûyî yên Amerîkayê ji bo Iraq û Sûriyeyê Tom Barrack, Serokwezîrê Iraqê Elî Zeydî ji bo gava stratejîk a ber bi avakirina serwerî û aramiyê ve pîroz kir û herwiha komên ku biryar dan çekên xwe radestî dewletê bikin jî pîroz kir.

Di daxuyaniyekê de îro, Tom Barrack piştgiriya tevahî ya Washingtonê ji bo hewildanên hikûmeta nû ya Iraqê anî ziman. Barrack diyar kir ku radestkirina çekan wê bingeha Iraqeke nû û serwer be.

Nûnerê Taybet ê Dewletên Yekbûyî yên Amerîkayê ji bo Iraq û Sûriyeyê got, "Em pîrozbahiyê li komên ku biryar dane çekên xwe deynin dikin; ev wê serweriya qanûn û rêziknameyê li welêt şekil bide."

Barrack zêde kir, "Ev gav nîşanek e ku Iraqê bingehek saxlem ji bo pêşeroja xwe daniye."