Trump: Rêberê nû yê Îranê daxwaza agirbestê kir

PeyamaKurd - Serokê Dewletên Yekbûyî yên Amerîkayê (DYA) Donald Trump got ku rêberê nû yê Îranê ji bo agirbestê daxwazek pêşkêşî wan kiriye. Trump destnîşan kir ku gava Tengava Hurmizê bibe herêmeke vekirî, azad û ewle, ew ê vê daxwazê binirxînin.

Serokê DYAyê Donald Trump, li ser platforma Truth Socialê derbarê Îranê de peyamek parve kir.

Trump di peyama xwe de got: "Rêberê rejîma nû ya Îranê ku li gorî yên berê kêmtir radîkal û pir jîrtir e, ji DYAyê daxwaza agirbestê kir. Gava ku Tengava Hurmizê vekirî, azad û ewle bibe, em ê wê demê vê daxwazê binirxînin. Heya wê demê, em ê Îranê serûbin bikin an jî wekî tê gotin, em ê wan vegerînin serdema kevirî."