Ukraynayê îdîayên Îranê yên bicihkirina balafirên bêmirov li Herêma Kurdistanê red kir

PeyamaKurd - Balyozxaneya Ukraynayê nûçe û îdîayên ragihandina Îranê yên derbarê bicihkirina yekîneyên firokeyên bêfirokevan (drone) û bi hezaran drona li Herêma Kurdistanê bi tundî red kirin.

Balyozxaneyê di daxuyaniya xwe de tekez kir ku "Ukraynayê ti firoke, yekîneya dronan an personelên peywendîdar li Herêma Kurdistanê an li ti cihê din ê Iraqê bicih nekirine."

Ev berteka fermî ya Kiyevê piştî wê hat ku ajansa nûçeyan a Tasnîmê (girêdayî Supaya Pasdaran a Îranê) li ser zarê çavkaniyeke ewlehiyê îdîa kiribû ku Ukraynayê dron li Herêma Kurdistanê bi cih kirine û Tahran nirxandinê li ser bersivdanê dike.

Rayedarên Ukraynayê van daxuyaniyan wekî "dizênformasyona zanyarane" ya ji bo çêkirina aloziya herêmî pênase kirin.