“Yek ji qeyranên însanî yê herî xerab li Yemenê diqewime”

PeyamaKurd – Dîrektorê Bernameya Xwarinê ya Cîhanê li Neteweyên Yekbûyî David Beasley ragihand, ku li Yemenê 18 milyon kes bi gefa birçîbûnê re rûbirû ne.

David Beasley, piştî serlêdana Yemenê li Navenda Giştî ya Neteweyên Yekbûyî civîneke çapemeniyê li dar xist û bal kişand ser rewşa vî welatî û diyar kir, ku şerê navxweyî didome û li cîhanê yek ji qeyrana însanî ya herî xerab diqewime.

Beasley hişyarî da ku Yemen li ber xelayê ye û wiha got: “Li Yemenê 18 milyon kes bi gefa birçîbûnê re rûbirû ne.”