Yekem car namzedê AfDê bû Serokê Parlamentoya Eyaletê

PeyamaKurd - Li eyaleta Saksonya-Anhaltê ya Almanyayê, di hilbijartina serokatiya parlamentoya eyaletê de ku mehekê piştî hilbijartinên 6ê Îlonê pêk hat, ji bo yekem car di dîroka welêt de namzedê Partiya Rastgiriya Tund "Alternatîf ji bo Almanyayê" (AfD), Tobias Rausch, bi ser ket.

Di dengdana veşartî ya li meclîsê de, Rausch ê 35 salî ji 82 dengên hatine bikaranîn 48 deng bi dest xistin û bû serokê nû yê parlamentoyê.

Digel ku 29 parlamenteran li dijî wî deng dan û 5 parlamenteran jî xwe ragirtin, zêdebûna dengan nîşan da ku hin endamên ji partiyên din ên wekî CDU, SPD, Yeşiller an jî Partiya Çep jî piştgirî dane wî.

Bi vê hilbijartinê re cara ewil e ku siyasetkarekî AfD'ê erka serokatiya parlamentoyekê li Almanyayê digire ser xwe. Niha jî pêvajoya avakirina hikûmeta nû ya eyaletê tê meraqkirin.