Berpirsên Hikûmeta Kurdistanê û sandeke NYê civînek pêk anîn

PeyamaKurd – Di çarçoveya çawaniya nehiştina gendeliyê de, Berpirsên Hikûmeta Kurdistanê û şandeke NYê, civînek pêk anîn.

Li gor Serokê Desteya Destpakî ya Herêma Kurdistanê Ehmed Enwer diyar kir, îro li Hewlêrê şandeke Dezgeha Nehiştina Gendeliyan ya NYê (UNDP) û bi beşdarbûna şanda Desteya Destpakiyê, Wezîrê Dad yê Kurdistanê û şanda Encumena Dadwerî ya Kurdistanê civiyan.

Serokê Desteya Destpakiyê Ehmed Enwer destnîşan kir, di civînê de guftûgo li ser çawa gendelî dê nemîne û mekanîzek çawa bo wê were danîn hat kirin.

Ehmed Enwer da zanîn, niha li Herêma Kurdistanê dest bi çaksaziyê hatiye kirin, lê hîn gendelî heye û metirsîdar e jî, ji ber wê jî divê xebatek cidî were kirin.

Ehmed Enwer diyar kir, dê sibê amarên desteya destpakiyê li ser gendeliyê belav bikin.