Blinken bi nûnerên Êzîdiyan re civiya

PeyamaKurd – Wezîrê Karên Derve yê Amerîkayê Anthony Blinken diyar kir ku nêzî 300 hezar Kurdên Êzidî koçber bûne û 2 hezar û 600 jî winda ne û got, "Em girîngiyê didin diyarkirina çarenûsa Êzîdiyên wenda."

Blinken li Washingtonê bi nûnerên Kurdên Êzîdî re civiya.

Blinken li ser hesabê xwe yê medyaya civakî derbarê hevdîtinê de nivîsek parve kir û got, “Derfeta me hebû ku em li ser navê rêberên Êzîdiyan guhdarî bikin û qurbaniyên jenosîda Êzîdiyan a 10 sal berê ji aliyê terorîstên DAIŞê ve hatin kirin bi rêzdarî bibîr bînin. Amerîka pabend e ku piştgirî bide kesên rizgarbûyî di peydakirina dadmendiyê de û ji nû ve avakirina jiyan û welatê wan."