Hejmara qurbaniyên teqîna Efrînê ji 50yî borî

PeyamaKud - Rêxistina Mafên Mirovan li Efrînê belav kir ku li gorî zanyariyên dawî hejmara kuştiyên teqînê ji 50yî derbas kiriye ango bûye 51 kes û 141 kes jî birîndar bûne.

Li gorî daxuyaniyê wê rêxistinê, di encama wê teqînê de heta niha 51 kesan jiyana xwe ji dest dane û zêdetir ji 140 kesî jî birîndar bûne. Piraniya qurbaniyan welatiyên sivîl in û di nava wan de jin û zarok hene. 

Ji ber bihêzbûna teqînê û vêketina agir, piraniya terman şewitîbûn û bûbûn rejî û nayên naskirin, ku hejmarek malbatên Efrînî dibêjin ku kurên wan ji dema teqînê de winda ne û nikarin termên kurên xwe nas bikin.

Hêjayî gotinê ye ku  heya niha tu aliyekî berpirsyariya wê teqîne negirtiye ser xwe.

Teqîn li ser rêya Reco nêzîkî Seraya Efrînê pêk hatibû ku herwiha ziyaneke mezin a madî jî bi xwe re anîye ku li gorî çavkaniyên herêmê otomobîla bombebarkirî bi çekdarên girêdayî Tirkiyê de hatiye teqandin.

Ji MSBê daxuyaniya teqîna Efrînê: Zêdetirî 40 kesan hatin kuştin...

Pompeo: Êrîşa Efrînê êrîşeke terorîstî ye û nayê qebûlkirin