Kurdistan | 197 kesên din bi koronayê ketin, 2 kesan jî can da

PeyamaKurd – Wezareta Tenduristiya Herêma Kurdistanê amarên 24 saetên dawî yên vîrusa koronayê Covid-19 eşkere kirin.

Li gorî daxuyaniya wezareta tenduristiyê ya îro Duşemê, di nav 24 saetên borî de 197 kesên din bi vîrusa koronayê ketine, 2 kesan can daye û 111 pêketî jî baş bûne.

Bi van amarên dawî re li Herêma Kurdistanê hejmara pêketinên koronayê gihîşt 109 hezar û 151 kesan, ya mirinan bû 3 hezar û 521 kes û heta niha 103 hezar û 625 nexweş jî baş bûne.