Li Hewlêrê êrîşî binkeya leşkerî ya Îtalyayê hat kirin

PeyamaKurd - Wezareta Berevaniya Îtalyayê ragihand ku binkeya wan a leşkerî ya li paytexta Herêma Kurdistanê, Hewlêrê, rastî êrîşeke mûşekî hatiye. Hat diyarkirin ku di vê êrîşê de tu ziyanên canî çênebûne.

Wezîrê Îtalî bi leşkeran re axivî 

Li gorî daxuyaniya ku îro (12î Adara 2026an) hate belavkirin, Wezîrê Berevaniya Îtalyayê Guido Crosetto derbarê êrîşê de bi leşkerên xwe yên li Hewlêrê re pêwendiyek pêk aniye. Crosetto diyar kir ku ew rewşê ji nêz ve dişopînin û hat piştrastkirin ku hemû leşkerên wan bi silamet in.

500 leşkerên Îtalyayê li Herêma Kurdistanê û Iraqê ne

Hêjayî bibîrxistinê ye ku Îtalyayê di çarçoveya Koalîsyona Navneteweyî de nêzîkî 500 leşkeran li Iraq û Herêma Kurdistanê bi cih kiriye. Erka van leşkeran bi giranî perwerdekirin û rahênana Hêzên Pêşmerge û hêzên ewlehiyê yên Herêma Kurdistanê ye.