Parlamentarên HDPê rastî mudaxeleyê hatin, Remziye Tosun rakirin nexwesxanê

PeyamaKurd – Li Diyarbekirê dema parlamentarên HDPê xwestin derbarê rojevê de daxuyaniyê bidin rastî mudaxeleya polîsan hatin.

Li gor zanyariyan dema parlamentar, hemwelatî û rêveberên HDPê xwestin li Parka Koşuyolu derbarê ‘Tecrîda dijî Ocalan’ û biryara YSKê ya nedana mazbatayên namzedên HDPê de daxuyaniyê bidin, rastî mudaxeleya polîsan hatin û rageşî derket.

Dema mudaxeleyê parlamentera HDPê Remziye Tosun birîndar bû.

Herwiha hat diyarkirin, polîsan bi ava şid mudaxeleyî girseyê kir ku Hevserokê KCDê Berdan Ozturk, parlamentarên HDPê yên Diyarbekirê Musa Farisoglullari û Semra Guzel jî ji aliyê polîsan ve hatine derb kirin.

Parlamentera HDPê Remziye Tosun dema mudaxeleyê bêhiş ket û ew bi ambulansê rakirin nexweşxaneyê.