Sandeke Belçîkayê serdana Rojavayê Kurdistanê kir

PeyamaKurd - Şanda Belçîkayê ya ku ji endamê parlamentoya Belçîkayê George Delmansh, serokê Rêxistina Qurbaniyên Terorê li Fransa û Belçîkayê Phillip Vastenskip û hejmarek ji rojnamevanan pêk tê, îro Yekşemê dest bi serdana Rojavayê Kurdistanê kir.

Şanda Belçîkî îro Yekşemê serdana Navenda Daîreya Têkilîyên Derve ya Rêveberiya Xweser a Bakur û Rojhilatê Sûriyê ya li bajarê Qamişlo kir.

Cîgirê hevserokatiya Daîreya Têkiliyên Derve Fener Kiêt û endamên Daîreyê pêşwaziya şandiyê kirin.

Endamê parlamentoya Belçîkayê George Delmansh ji bo vê serdana xwe got, hedefa sereke ji zanîna rewşa herêmê ji aliyên siyasî û aborî ve ye, herwiha guftûgoyên ser girtiyên DAIŞê ye.

Tê çaverêkirin şanda Belçîkî bi rayedarên din ên Rêveberiya Xweser re jî hevdîtinan bike.