SpaceXê di cîhanê de yekem car keştiya asmanî li hewayê girt

PeyamaKurd - Kompaniya teknolojiya asmanî SpaceX ku ji aliyê milyarderê Amerîkî Elon Musk ve hatiye damezirandin, di cîhanê de bû yekem ku keştiya asmanî ya ku ji fezayê vedigere, li ser birca avêtinê bi awayekî mekanîkî li hewayê girt.

Keştiya asmanî ya ku beşa jorîn a roketta mezin a Starship pêk tîne, piştî geşteke nêzîkî 22 demjimêran li herêma Starbase a li Teksasê ji aliyê rampaya mekanîkî ve ku wekî "çîpên xwarinê" tên zanîn, serkeftî hate girtin.

Tevî ku SpaceX berê jî pêveka "Super Heavy" girtibû, lê ev yekem car e ku keştiyeke ku gihîştiye dinyayê bi vê sîstemê tê girtin.

Di heman testê de 26 peykên nû yên Starlink jî hatin ser rêgeha dinyayê. Ev serkeftin ji bo daxistina mesrefên veguhestina asmanî û armancên Marsê xwedî girîngiyeke mezin e.