Brîtanyayê cixare li kesên heta 17 salî qedexe kir

PeyamaKurd - Parlamentoya Brîtanyayê li ser "Pêşniyazqanûna Tûtin û Cixareya Elektronîk" gihîşt lihevkirina dawî daku nifşekî bêduman ava bike.

Li gorî biryarê firotina tûtin û berhemên nîkotînê ji bo hemû kesên ku 1ê Çileya 2009an û vir ve ji dayik bûne heta hetayê hat qedexekirin.

Ev tê wê wateyê ku temenê qanûnî yê kirîna cixareyê her sal salekê zêde dibe daku ev nifş tu carî nekarin bi awayekî yasayî cixareyê bikrin.

Wezîra Tenduristiyê Baroness Merron ev biryar wekî "mezintirîn destwerdana tendurustiya giştî ya nifşekî" pênase kir û destnîşan kir ku ev qanûn dê jiyana bi hezaran kesan rizgar bike.