Almanya: Tirkiye di navbeynkariyeke taybet de di navbera DYA û Îranê de ye

PeyamaKurd - Wezîrê Derve yê Almanya Johann Wadephul diyar kir ku ew piştgiriyê didin hewldanên ji bo berdewamiya danûstandinên di navbera DYA û Îranê de, û got ku Tirkiye di vî warî de xwedî helwesteke taybet e û ew ji vê yekê spasdar in.

Li gorî çend rojan berê, Rojhilata Navîn di demên aramtir de ye. Di navbera DYA û Îranê de rêkeftineke agirbestê ya du hefteyan hatiye kirin û maseya danûstandinan ji nû ve hatiye danîn.

Her çend gera yekem a danûstandinan li Îslamabadê ya Pakistanê encam neda jî, hate ragihandin ku tê payîn ku gera duyem di rojên pêş de pêk were.

Johann Wadephul di civîneke çapemeniyê de piştî Konferansa Sûdanê li Berlînê behsa danûstandinên di navbera DYA û Îranê de kir.

Wadephul piştgiriya xwe ji bo hemû hewldanan diyar kir û got, "Bi taybetî Tirkiye û Misir di navbeynkariyeke taybet de ne û em ji vê yekê pir spasdar in. Em hewl didin ku di vî warî de beşdariyên xwe yên dîplomatîk pêşkêş bikin."