CENTCOM: Tu keştiyên me nehatine lêxistin, dorpêça li ser Îranê berdewam e

PeyamaKurd - Fermandariya Navendî ya Amerîkayê (CENTCOM) û rayedarên payebilind ên Washingtonê, îdiayên medyaya Îranê yên derbarê lêxistina keştiyeke şer a Amerîkayê de bi tundî red kirin. Amerîkayê ragihand ku operasyona "Project Freedom" bi biryardarî berdewam dike.

Redkirina îdiayên Îranê û rewşa keştiyan

Piştî ku medyaya Îranê nûçeyên wekî "Keştiyeke şer a Amerîkayê dema dixwest bikeve Tengava Hurmizê bi 2 moşekan hat lêxistin" belav kirin, CENTCOMê daxuyaniyeke fermî da. CENTCOMê destnîşan kir ku tu keştiyên Hêzên Deryayî yên Amerîkayê nehatine lêxistin û ev nûçe ji rastiyê dûr in. Her wiha malpera Axiosê li ser bingeha rayedarên Amerîkî ragihand ku tu zirar negihîştiye hêzên wan û îdiayên Tehranê tenê propagandaya şer in.