David Satterfield: “Divê em karibin bêjin di destê Tirkiyê de S-400 tine ne”

PeyamaKurd – Sefîrê mezin yê Amerîkayê David Satterfield li Îstenbolê bi rojnamevanan re civiya û tîşkê xist ser gelek babetan ku di nav wan de babeta S-400 an jî heye. Sefîr weha got:

“Babetên em li ser wan hevparin ji yên nehevpar zêdetirin. Di babeta S-400 an de divê em karibin bêjin ku di destê Tirkiyê de S-400 tine ne.”

Di civînê de gelek pirs hatin kirin ku di nava wan de babeta Yûnanistanê, têkiliyên Tirkiyê bi YA yê re, hebûna leşkerên Amerîkayê li Sûriyê û di babetên din de bersivên rojnamevanan da. Di mijara têkiliyên bi Tirkiyê re weha got:

“Em bo wexteka dûr û dirêj bi Tirkiyê re hevpar û hevkarin. Em ji bilî van danasînan, danasînên ku siyê bixe ser wan qebûl nakin. Em dixwazin bi rojevekî posîtîv, bi bawerî û fehmê têkiliyên xwe xurt bikin.”

Sefîr Satterfield li ser mijara zîrwerya lîderên YA yê ku dê di 25-26 ê adarê de çêbibe got; ew hêvî dike ku biryarên Tirkiyê li bende ne, bên sitendin. Sefîr li ser pirsan car din mijarê bir ser babeta S-400 an û weha got:

“Tirkiye dixwaze ji Amerîkayê hinek tiştnan bibîne; mijara F-35 an, kirîna Patriotan û hwd. Mirov dikare li ser wan biaxife. Divê em karibin bêjin ku di destê Tirkiyê de S-400 tinene. Eger ji nûh de S-400 an bikirin wê rewşeka ciddî derê pêşiya me. Wê tedbîrên tund derên pêşiya Tirkiyê. Di mijarê de welew rêvebirî gav navêje jî wê kongre gav bavêje.”