Dermanê Covid-19 yê ji Çînê hatiye li 40 bajarên Tirkiyê hat belavkirin

PeyamaKurd – Wezîrê Tenduristiya Tirkiyê Fahrettîn Koca ragihand ku ew dermanê ji Çînê hatiye û ji bo nexweşîna vîrusa korona tê bikaranîn, li 40 bajarên Tirkiyê hatiye belavkirin.

Koca ragihand ku dermanên Covid-19 ên gihîştin Enqerê, bi balafirên ambulans li nexweşxaneyên 40 bajaran hatine belavkirin.

Wezîrê Tirk da zanîn ku ew derman dê ji bo kesên ji ber nexweşîna vîrusa koronayê ketine rewşa metirsiyê û di beşên nexweşên giran de dimînin were bikaranîn.

Li Tirkiyê heta niha 37 haletên mirinê hatine ragihandin ku li gorî daxuyaniyên wezareta tenduristiyê vîrusa korona li tevahiya Tirkiyê belav bûye.