TR KU SO
FB X
Cîhan

Trump ji Çînê destvala vegeriya  

Admin H
Nivîskar
📅 20 mijdar 2026 13:05

PeyamaKurd - Serokê Dewletên Yekbûyî yên Amerîkayê (DYA) Donald Trump, di rêya vegerê ya ji lûtkeya APECê ya li Shenzen a Çînê de, li ser balafira Air Force One di hevpeyvîneke telefonî de ji ajansa Reutersê re ragihand ku gihîştina rêkeftineke dualî an piralî ya ji bo sînordarkirina çekên nukleerî zehf zehmet e, lê ew ê ji bo vê armancê xebatên xwe bidomîne.

Trump diyar kir ku Serokê Dewleta Çînê Xi Jinping di prensîbê de bi fikra sînordarkirina çekên nukleerî re hemfikir e, lê ji aliyê derûnî û muzakereyan ve gelekî zehmet e ku dewletek bibêje "4 hezar çekên me yên nukleerî hene, em ê dest ji nîvê wan berdin".

Ev daxuyanî piştî wê yekê hat ku di daxuyaniya hevbeş a lûtkeya sêalî ya li gel Xi Jinping û Vladimir Putin de hatibû tekezkirin ku "şerê nukleerî nayê qezenckirin û qet divê neyê kirin".

Watiya welatiyên Amerîkî yên li Çînê tên ragirtin

Her wiha Trump eşkere kir ku di serdana Çînê de alîkarekî wî dosyeya du welatiyên DYAê yên bi eslê xwe Çînî, Youlin Chen (zanistvanê erdhejê/sîsmolog) û Min Zin (lêkolînerê Myanmarê) ku ji aliyê Pekînê ve hatine girtin, bi rayedarên Çînî re gotûbêj kiriye.

Wezîrê Derve yê DYAê Marco Rubio van her du kesan wekî "kesên bêheq hatine girtin" pênase dike. Trump bal kişand ser serkeftinên rêveberiya xwe yên di vî warî de û anî ziman ku ji destpêka heyama wî ya duyemîn a serokatiyê ve zêdetirî 115 welatiyên DYAê (ligel zêdetirî 148 girtiyên siyasî li Belarûsê) hatine serbestberdan.

Parve bike: