Di êrîşa ser gundan de bi dehan kes hatin kuştin

PeyamaKurd - Hate ragihandin ku li herêma navendî ya welatê Maliyê, di encama rêzeêrîşên komên çekdar bi ser gundan de bi dehan kesan jiyana xwe ji dest dan.

Li gorî agahiyên ku ji rayedarên ewlekariyê û çavkaniyên herêmî hatine girtin, komên cîhadîst bi giranî êrîş birine ser gundên Kurude û Dugarayê.

Hat ragihandin ku hejmara qurbaniyan di navbera 70 û 80 kesan de ye û gelek kesên din jî hîn winda ne.

Rêxistina bi navê Jama'at Nasr al-Islam wal Muslim (JNIM) ku wekî baskê El Qaîdeyê yê li herêmê tê naskirin, berpirsyariya van êrîşan girt ser xwe.

Bertekên li dijî bêdengiya artêşê

Piştî van êrîşên ku herêm xistiye nav rewşeke mezin a tirsê, nûnerên ciwanan ên li herêmê artêşa Maliyê bi bêhelwestiyê tawanbar kirin. Hat diyarkirin ku tevî banga alîkariyê ya gundiyan jî, yekîneyên leşkerî mudaxeleya êrîşan nekirine.

Çavkaniyên ewlekariyê destnîşan dikin ku rewşa ewlehiyê ya li welat her ku diçe xerabtir dibe û piştî operasyonên dawî yên komên çekdar, hin herêmên li bakurê welêt bi temamî ji bin kontrola dewletê derketine.