Di şewata Cezayîrê de 11 zarok mirin

PeyamaKurd - Hate ragihandin ku îro 16ê Tîrmehê danê sibehê şewatek li navendek lênêrîna zarokan a li navçeya El-Muhammediye ya paytexta Cezayîrê rû daye û 11 zarokan jiyana xwe ji dest dane.

Beşa Parastina Sivîl a Cezayîrê ragihand ku, li gorî agahiyên destpêkê, di bûyerê de 11 zarok mirine û gelek ên gihayî jî birîndar bûne ku operasyonên rizgarkirinê û hewldanên çavdêriyê li cihê bûyerê dewam dikin.

Hêjayî gotinê ye, ev bûyer yek ji bûyerên herî bi êş e ku Cezayîr di van demên dawî de bûye şahid. Li aliyê din malbat li benda encamên lêkolînên fermî ne û bangên tedbîrên lezgîn ji bo ewlehiya zarok û karmendên li hemû saziyên lênêrîna zarokan ên li seranserê welat dikin.