DYA: Me li navendên dron û radarê yên li Îranê xist
PeyamaKurd - Fermandariya Navendî ya DYAyê (CENTCOM) ragihand ku wan navendên fermandarî û kontrola radar û wesayîtên hewayî yên bêmirov (UAV) li Girava Qeşm û Goruk li Tengava Hurmuzê hedef girtine.
CENTCOM di daxuyaniyekê de ku îro (Duşem, 1ê Hezîrana 2026an) li ser hesabê xwe yê medyaya civakî weşand, diyar kir ku di dawiya hefteyê de li dijî navendên fermandarî û kontrola radar û UAVan ên li Girava Qeşm û Goruk li Îranê êrîş hatine kirin.
Daxuyaniyê destnîşan kir ku ev êrîş wekî bersivek li hember xistina UAV-yeke MQ-1 a Amerîkî ji aliyê Îranê ve "dema ku li ser avên navneteweyî difiriya" hatine kirin û wiha lê zêde kir:
"Balafirên şer ên Amerîkî bi lez bersiv dan, parastina hewayî ya Îranê, stasyoneke kontrolê ya bejayî û du UAV-ên ku ji bo keştiyên ku di avên herêmî re derbas dibin gefek eşkere çêdikirin, bêbandor kirin."
Hat ragihandin ku di êrîşên li ser Îranê de di nav hêzên Amerîkî de tu qurbanî tune ne.