DYA: Me zêdetirî 30 keştiyên şer ên Îranê bin av kirin

PeyamaKurd - Artêşa Amerîkayê ragihand ku zêdetirî 30 keştiyên şer ên Îranê noq kirine. Di heman demê de, hat îdîakirin ku êrîşên mûşekên balîstîk ên Îranê ji sedî 90 kêm bûne.

Piştî operasyonên leşkerî yên hevbeş ên Amerîka û Îsraîlê li dijî Îranê, pevçûn li seranserê herêmê berdewam dike. Îsraîlê jî êrîşên xwe yên li ser Bêrûdê zêde kiriye.

Pentagon: "Şiyanên Îranê kêm bûne"

Wezîrê Parastinê Pete Hegseth got ku operasyon wekî hatibû plankirin berdewam dike û tekez kir:

Me tenê dest bi şer kiriye û em ê bi biryardarî bidomînin."

Wî her wiha baweriya Îranê ku Amerîka nikare şer bidomîne wekî "hesabkirinek xelet" bi nav kir.

Fermandarê CENTCOM Amîral Brad Cooper ragihand ku di 72 saetên dawî de nêzîkî 200 hedef hatine bombekirin, û ji roja yekem ve êrîşên mûşekî ji sedî 90, êrîşên bi dronê jî ji sedî 83 kêm bûne.

Behrên û herêm

Hêzên Behrênê ragihand ku 78 mûşek û 143 drone îmha kirine. Îmaratên Erebî Yekbûyî jî 131 drone xistine xwarê. Tankereke petrolê ya Amerîkî li Kendava Farsê agir pê ket.

Azerbaycanê dîplomatên xwe ji Îranê vekişand. Medyaya Îsraîlê jî ragihand ku êrîşek li Balafirgeha Ben Gurion a Tel Avîvê pêk hat.

Îranê jî hişyarî da DYAyê ku ew ê ji ber noqbûna keştiyên xwe yên şer "poşman" bibe.