Îmarat: Du dronên Îranî hatin xistin

PeyamaKurd - Wezareta Parastinê ya Îmaratên Yekbûyî yên Erebî (ÎM) hilweşandina du dronên ku ji hêla Îranê ve hatine avêtin ragihand.

Di daxuyaniyekê de ku roja Yekşemê, 10ê Gulana 2026an de hat weşandin, wezaretê diyar kir ku pergalên parastina hewayî yên Îmaratê bi serkeftî du dronên ku ji Îranê hatine avêtin têk birin.

Di daxuyaniyê de hat gotin ku, "Ji destpêka van êrîşên Îranê ve, parastina hewayî ya Îmaratê bi 551 moşekên balîstîk, 29 moşekên krûze û 2265 dron re rû bi rû maye."

Daxuyaniyê herwiha ragihand ku hejmara giştî ya birîndaran gihîştiye 230 kesan, di nav wan de welatiyên Îmarat, Misir, Sûdan, Etiyopya, Fîlîpîn, Pakistan, Îran, Hindistan, Bangladeş, Srî Lanka, Azerbaycan, Yemen, Uganda, Erître, Lubnan, Afganistan, Behrêyn, Komor, Tirkiye, Iraq, Nepal, Nîjerya, Oman, Urdun, Filistîn, Gana, Endonezya, Swêd, Tunis, Fas û Rûsyayê hene.