Îmarat: Sîstema me ya parastinê êrîşên Îranê pûç kirin

PeyamaKurd - Wezareta Bergiriyê ya Mîrnişînên Erebî yên Yekbûyî (BAE) bi daxuyaniyeke fermî ragihand ku sîstemên wan ên parastina asmanî hejmarek moşek û dronên ku ji aliyê Îranê ve hatibûn şandin tespît kirine û îmha kirine.

Sedema dengên bilind ên li bajaran

Wezareta Bergiriyê di daxuyaniya xwe de bal kişand ser wan dengên teqînên bilind ên ku li gelek herêmên welat hatine bîstin û diyar kir, ev deng encama rasterast a xebata sîstemên parastina asmanî ye ku moşekên balîstîk, moşekên seyrê û dronên êrîşkar di asman de pûç kirine.

Wezaretê tekez kir ku sîstemên wan di amadebaşiya herî bilind de ne daku her cure metirsiyê ji ser axa welat dûr bixin.

Di daxuyaniyê de hat destnîşankirin ku êrîş ji aliyê Îranê ve hatiye kordînekirin û armanc jê têkdana ewlehiya Îmaratê ye.