Îran: Mûzakereyên bi DYAyê re hatin redkirin

PeyamaKurd - Berdevkê Wezareta Karên Derve ya Îranê Îsmaîl Beqayî eşkere kir ku nûçeyên derbarê agirbesta 10 rojî ya bi DYA'yê re ne rast in û tu mûzakereyek di navbera wan de nayê kirin.

Beqayî bal kişand ku şerê ku hatibû armanc kirin ku Îranê di sê rojan de teslîm bibe, piştî pênc mehan veguheriye xefikekê û teqez kir ku mûzakereyên bi Ummanê re tenê li ser rêveberiya çûnehatina deryayî ya Tengava Hurmizê ne.

Beqayî diyar kir ku ji ber êrîşên leşkerî û çalakiyên DYA'yê yên ku bêewlehiyê diafirin, Tengava Hurmizê girtî dimîne û destnîşan kir ku heya ku êrîş bidomin, bersivên tund di qeydên wan de cî digirin daku ewlehiya neteweyî bê parastin.

Beqayî rexneyên tund li siyaseta DYA û Brîtanyayê girtin û eşkere kir ku DYA'yê di nava 40 rojan de baregehên leşkerî yên li Brîtanyayê ji bo operasyonên li dijî Îranê bi kar anîne ku ev yek binpêkirina yasayên navneteweyî ye.

Her wiha Îranê bal kişand ser çalakiyên leşkerî yên Ukraynayê yên li ser keştiyên Îranî yên li Deryaya Xezarê û hişyarî da ku kiryarên bi vî rengî dê alozî û dorpêçên nû li herêmê bên kirin.

Tê nirxandin ku Îran ji bo parastina berjewendiyên xwe bertekên hişk nîşan dide û ev geşedan metirsiyên nû di hevsengiyên herêmî û navneteweyî de kûrtir dikin.