Îranê daxwaza navbeynkariyê ya bi DYAê re red kir

PeyamaKurd - Li gorî nûçeyên ragihandina Îranê, Serokê Erkên Hevbeş ê Artêşa Pakistanê Marşal Asim Munîr ji bo navbeynkariyê di navbera DYA û Îranê de duh serdana Tehranê kir.

Munîr di çarçoveya vê serdanê de bi Serokkomarê Îranê Mesûd Pezeşkiyan û Serokê Meclisa Îranê Mihemed Baqir Qalîbaf re civiya û xebatên navbeynkariyê û geşedanên herêmî gotûbêj kirin.

Di hevdîtinê de Qalîbaf destnîşan kir ku heta DYA hevt mercên Îranê yên meha borî yên ji bo ji nû ve vekirina Tengava Hurmizê pêkneyine, nikare baweriya Tehranê ji nû ve bi dest bixe.

Her wiha Marşal Asim Munîr bi Sekreterê Encûmena Bilind a Ewlehiya Neteweyî ya Îranê Muhsîn Rzaî re jî hevdîtinek pêk anî.

Rzaî di vê civînê de rasterast peyama Tehranê ragihand û diyar kir ku heta daxwaz û mercên wan ji aliyê Washingtonê ve bi temamî neyên cih, tu hevdîtin û guftûgo di navbera Îran û Dewletên Yekbûyî yên Amerîkayê de çênebin.