Îsraîlê kuştina Qeys Bîtawî 2 kesên din ragihand

PeyamaKurd - Artêşa Îsraîlê (IDF) û Rêxistina Ewlehiya Navxweyî ya Îsraîlê (Shin Bet) di daxuyaniyeke hevpar de ragihandin ku wan li herêma Cênînê operasyoneke taybet encam dane û di encamê de 3 kes hatine kuştin.

Di daxuyaniyê de hat diyarkirin ku yek ji kesên ku hatiye kuştin Qeys Bîtawî ye, ku wekî yek ji berpirsiyar û rêveberên serekî yên Tevgera Hemasê ya li herêma Cênînê dihat nasîn û berpirsiyarê çendîn êrîşên li dijî hemwelatiyên Îsraîlê bû.

Li gorî agahiyên ku ji aliyê hêzên ewlehiyê yên Îsraîlê ve hatine belavkirin, Qeys Bîtawî di encama êrîşeke noqteyî û berfireh de ligel du kesên din ên ku pê re bûn hat kuştin û di wesaîta wan de gelek çek û alavên leşkerî hatine destserkirin.

Hate ragihandin ku Qeys Bîtawî merivê Nûr Bîtawî ye, ku ew jî fermandarê torên çalakiyên Cênînê bû û di meha Gulan a sala 2025an de ji aliyê hêzên ewlehiyê yên Îsraîlê ve hatibû kuştin.