Kanal 12ê ya Îsraîlê: Di arrmancgirtina Elî Şemxanî û fermandarên Spahê de serkeftin hat bidestxistin
PeyamaKurd – Kanal 12 a Îsraîlê li ser zimanê berpirsekî payebilind ragihand ku nirxandinên wan ên destpêkê nîşan didin ku êrîşên asmanî yên îro serkeftî bûne. Li gorî nûçeyê, metirsiya herî mezin ew e ku Elî Şemxanî, Şêwirmendê Bilind ê Rêberê Bilind Elî Xameneyî û Sekreterê berê yê Konseya Ewlekariya Neteweyî, di van êrîşan de hatibe kuştin.
Her çend heta niha daxuyaniyeke fermî ji Tehranê nehatibe dayîn jî, çavkaniyên mîna Iran International û medyaya Îsraîlê balê dikişînin ser van navên girîng:
- Elî Şemxanî: Yek ji kesayetên herî bi bandor di biryarên stratejîk û peywendiyên herêmî de.
- Mihemed Pakpûr: Fermandarê Hêza Parastina Erdî ya Spaha Pasdaran (IRGC). Pakpûr bi taybetî di operasyonên li dijî herêmên Rojhilatê Kurdistanê û parastina sînoran de xwedî roleke sereke bû.
- Ezîz Nasirzade: Wezîrê Berevaniyê yê niha û fermandarekî kilît di pîşesaziya mûşekî û asmanî de.
Heger kuştina van fermandaran were piştrastkirin, ev dê bibe mezintirîn derba li dijî binesaziya fermandariya Îranê piştî kuştina Qasim Suleymanî. Taybetmendiya vê êrîşê ew e ku di heman demê de hem serkirdeyên siyasî (Şemxanî) û hem jî yên leşkerî (Pakpûr û Nasirzade) hatine hedefgirtin. Ev stratejî nîşan dide ku armanca "Kûrena Şêr" ne tenê sînordarkirina şiyanên leşkerî ye, belê bêserûberkirina temamî ya pergala biryardayînê ye.