Koma Ak Partiyê biryar da: Namzed, Erdogan e

PeyamaKurd- Ji Koma Ak Partiyê hat ragihandin ku wan ji bo namzediya Serokomariya Tirkiyeyê, Serokê Giştî yê Ak Partiyê û Serokomarê Tirkiyeyê yê niha Recep Tayip Erdogan destnîşan kiriye.

Li bajarên bakur û Tirkiyeyê, dê di 14ê Gulana 2023yan de hilbijartina parlamenteriyê û hilbijartina Serokomariya Tirkiyeyê werin rêvebirin.

Her wiha li Meclisa Mezin a Tirkiyeyê (TBMM) jî pêvajoya destnîşankirina namzediya serokomariyê dest pê kir.

Li ser vê mijarê, parlamenterên Ak Partiyê, îro di bin serokatiya Serokê Koma Ak Partiyê Ismet Yilmaz de civiyan û hat diyarkirin ku di civînê de biryar hatiye dayîn Serokomarê Tirkiyeyê yê niha Recep tayip Erdogan, wekî namzedê Serokomariya Tirkiyeyê bê destnîşankirin.