Li Belçîkayê krîza koalîsyonê: Serokwezîr îstîfa kir

PeyamaKurd - Li Belçîkayê di çarçoveya amadekariyên budceya sala 2027an de, ji ber ku partiyên koalîsyona "Arizona" li ser nexşerêyeke hevpar li hev nehatin, Serokwezîr Bart De Wever îstîfaya xwe pêşkêşî Kral Philippe kir.

Çavkaniya sereke ya vê krîzê nehatina lihevhatinê ya li ser bêtifaqiya budceyê ye ku nêzîkî 10 milyar euro ye.

Partiya Lîberal MR daxwaza kêmkirina lêçûnan dike, lê partiyên sosyalîst Vooruit û Les Engagés tekez dikin ku divê li ser sermayeyên mezin bacên nû bên danîn.

Li hember vê rewşê, Kral Philippe biryar da ku biryara qebûlkirina îstîfayê bixe rewşa rawestandinê (askıya girtinê) da ku derfetê bide partiyan ku ji nû ve muzakereyan bikin.

Hat ragihandin ku Kral dê serokên partiyên siyasî yên sereke vexwîne sarayê ji bo civîneke nû. Ger îstîfa bi temamî bihata qebûlkirin, di nav 40 rojan de welat dê biçûya hilbijartinên zû.