Li Iraqê 3 kes hatin îdamkirin

PeyamaKurd – Sê gumanbarên di teqîna sala 2016an a li Bexdayê de bûn ku tê de zêdetirî 300 kesan jiyana xwe ji dest dabûn, hatin îdamkirin.

Li gorî daxuyaniya Ofîsa Serokwezîrê Iraqê Mihemed Şîa Sûdanî, roja yekşem û duşemê cezayê îdamê ji bo 3 terorîstên êrîşa bombeyî ya sala 2016an li herêma Kerrada ya paytext Bexdayê hat îdamkirin.

Sûdanî ji xizmên qurbaniyan re da zanîn ku 3 gumanbarên terorîstan li gorî qanûnê hatine darizandin û cezakirin.

Di 3ê Tîrmeha 2016an de di meha Remezanê de li cihekî qelebalix êrîş li wesayîteke bombebarkirî hat kirin. Di êrîşê de zêdetirî 300 kes mirin û bi sedan kes jî birîndar bûn.

Êrîşa Karrada, êrîşa herî bi xwîn a piştî rizgarkirina Iraqê di sala 2003 de, ji aliyê DAIŞê ve hat girtin.

Wezîrê Karên Hundir ê wê demê Mûhammed Gaban, hefteyek piştî êrîşê ji wezîfeyê hat girtin.

Karbidestekî hikûmetê ji AFPê re got, Gazwan el-Zewbeyî, ku yek ji kesên îdamkirî û plansazê êrîşê bû, di sala 2021'an de li derveyî Iraqê hate girtin û anîn wî welatî.

Serokwezîrê berê yê Iraqê Mistefa Kazimî di sala 2021ê de di daxuyaniyekê de ragihandibû ku berpirsê pileya yekem a êrişê El-Zewbeyî hatiye girtin.

Rêxistina terorîst a DAIŞê ku di navbera salên 2014 û 2017an de li Iraq û Sûriyê rûberek bi qasî 88 hezar kîlometre çargoşe girtibû, ji aliyê Hêzên Pêşmergeyên Kurdistanê, Artêşa Iraqê û Hevpeymaniya Navdewletî ve hat şikandin.

Di daxuyaniya Neteweyên Yekbûyî ya meha Adara îsal de hatibû gotin ku di navbera 5 hezar û 7 hezar endamên DAIŞê li herêma di navbera Iraq û Sûriyê de mane.