Macron îstîfaya wezîrê navxwe yê Fransayê red kir

PeyamaKurd - Wezîrê Navxwe yê Fransayê Laurent Nunez li ser radyoya France Interê ragihand ku piştî xwepêşandanên dijwar ên "Êlek-Zêran" (Gilets Jaunes) ên di 17ê Cotmehê de, wî îstîfaya xwe pêşkêşî Qesra Élysée kiriye.

Nunez diyar kir ku ji ber bûyerên tundiyê, talankirina dikanan û nebûna kontrolê berpirsiyar e û got ku wan pêşbînî dikir 200 hezar kes beşdar bibin, lê hejmara xwepêşanderan li seranserî welat ji 550 hezarî derbas bûye.

Serokkomarê Fransayê Emmanuel Macron îstîfaya Laurent Nunez red kir û ragihand ku di vê rewşa aloz de ji bo birêvebirina hêzên ewlehiyê berdewamî pêwîst e.

Macron ji Nunez daxwaz kir ku bi rêbazên nû yên lezgîn re rûbirûyî bûyerên tundûtêjiyê bibe.

Di xwepêşandanên li dijî bihabûna sotemeniyê û buhabûna jiyanê de nêzîkî 2,400 kes hatin desteskirin, derdorê 1,000 efserên polîs û cendermeyan birîndar bûn û li Parîsê jî xwepêşanderekî jiyana xwe ji dest da.