Neteweyên Yekbûyî bi peyamekê Newroz pîroz kir

PeyamaKurd - Sekreterê Giştî yê Neteweyên Yekbûyî (NY) António Guterres, bi helkefta cejna Newrozê peyameke pîrozbahiyê ya taybet gihand bi milyonan mirovên ku vê rojê pîroz dikin. Guterres di peyama xwe de banga yekîtî û aştiyeke gerdûnî kir.

Peyam li ser hesabê fermî yê NYyê hat belavkirin 

Peyama pîrozbahiyê ya Guterres, li ser hesabê fermî yê Neteweyên Yekbûyî yê li ser platforma medyaya civakî Xê ha parvekirin. Sekreterê Giştî di peyama xwe de bal kişand ser hêza Newrozê ya ku netewe û çandan tîne cem hev.

Banga ji bo avakirina cîhaneke baştir 

António Guterres di peyama xwe de wiha got:

Li seranserê hemû netewe û çandan, werin em bi hev re bimeşin dema ku em cîhanek aştiyanetir, domdartir û berfirehtir ji bo hemû mirovan ava dikin.”

Guterres destnîşan kir ku Newroz ji bo mirovahiyê fersendek e ku ji nû ve dest bi avakirina pêşerojeke hevbeş û geş bike.

Hêviya şadî û serfiraziyê

Guterres di dawiya peyama xwe de daxwazên xwe yên ji bo sala nû anîn ziman û hêvî xwest ku ev cejn aramiyê bîne cîhanê. Wî daxwaza xwe bi van gotinan bi dawî kir:

Bila ev Newroz şadî, tenduristî, serfirazî û aştiyê bîne.”