Penagehên DAIŞê li Kerkukê hatin wêrankirin

PeyamaKurd - Hêzên ewlehiyê yên Iraqê ragihandin ku wan operasyoneke hewayî li dijî bermahiyên rêxistina terorîst a DAIŞê di nav sînorên parêzgeha Kerkukê de pêk anîne û derbeyeke giran li wê komê dane.

Li gorî daxuyaniyekê ku îro ji aliyê Tora Medyaya Ewlehiyê ya Iraqê ve hatiye weşandin, operasyona hewayî di bin fermandarî û kontrola Fermandariya Operasyonên Hevbeş de, li ser bingeha daneyên îstîxbaratê yên ji Servîsa Îstîxbarata Neteweyî û Yekîneya Dijî Terorê, dest pê kiriye.

Daxuyaniyê destnîşan kir ku di dema operasyonê de şeş penagehên DAIŞê li parêzgeha Kerkukê hatine wêrankirin.

Piştî operasyona hewayî, hêzên taybet ên ku li herêmê hatine bicihkirin operasyoneke lêgerîn û paqijkirinê ya berfireh dest pê kirine û materyalên lojîstîkî yên mayî ji penagehan wêran kirine.

Tora Medyaya Ewlehiyê tekez kir ku operasyon bi biryardarî berdewam dike da ku herêmê ji hêmanên terorîst bi tevahî paqij bike. Di daxuyaniyê de herwiha hat gotin, "Hêzên me yên ewlehiyê wê li her deverê ku terorîst lê bin, ji bo parastina axa Iraqê û aramiya welêt, berdewam bikin ku terorîstan bêbandor bikin."

Fermandariya Operasyonên Hevbeş ragihand ku raporek berfireh li ser encamên operasyonê wê îro paşê bi raya giştî re were parvekirin.