Polonyayê, ji ber Wagnerê bergirên leskerî zêde kirin!

PeyamaKurd- Li gorî nûçeya DW Turkish, Wezîrê Karên Navxweyî yê Polonyayê Mariusz Kaminski ragihand ku ji ber planên şandina şervanên Wagnerê ya ji bo Belarusê ku hewildana serhildanê ya li dijî rêveberiya Rusyayê têk çû, Polonyayê biryar da ku hejmara polîsên li ser sînor zêde bike.

Li gorî nûçeya DW Turkish Wezîrê Karên Hundir ê Polonyayê Mariusz Kaminski ragihand ku dê hêzên din li ser sînor bên bicihkirin û 500 polîsên din, di nav de "yekîneya dijeterorê" dê ji bo piştgirîkirina 5000 parêzvanên sînor û 2000 leşkerên ku li ser sînorê rojhilatê welat bicîh bûne, xizmetê bikin.

Alîkarê Serokwezîrê Polonyayê Jaroslaw Kaczynski jî diyar kir ku dê hejmara personelên bi unîformayên xwe bên zêdekirin û kelehên sînor bên xurtkirin. Kaczynski eşkere kir ku wan agahî bihîstiye ku dê nêzîkî 8 hezar şervanên Wagnerê li Belarûsê bi cih bibin.