Serokomarên Fransa û Cezayîrê, civiyan

PeyamaKurd- Serokomarê Fransayê Emmanuel Macron, ji bo hevdîtinên sererastkirina aloziyên navbera herdu welatan, derbasî Cezayîrê bû û ligel Serokomarê Cezayîrê Abdulmecid Tebboune, civînek li dar xist.

Piştî hevdîtina herdu serokomaran a li Koşka Muradiyeyê, daxuyaniyeke hevpar a çapemeniyê hat dayîn. Bi rêya daxuyaniyê hat diyarkirin ku di navbera herdu welatan de alozî dest pê kiribûn û ji bo ku ev alozî werin têkbirin, daxwaz ew e ku rûpeleke nû ya têkiliyan were vekirin.

Serokomarê Fransayê Macron li ser hevdîtinê da zanîn ku herdu aliyan li hev kiriye û got,

“Dîroka hevpar a tevlihev û bi êş heye. Vê rewşê nehîşt ku em li pêşerojê binihêrin. Me biryar da ku komîteyeke hevpar a ku ji herdu aliyan dîroknas tê de bin, ava bikin da ku li ser arşîva serdema kolonyalîzmê bixebite. Lê belê berpirsyariya me ew e ku em ji bo xwe û ciwanên xwe, li pêşerojê binihêrin.”

Abdulmecid Tebboune jî da zanîn ku ew ligel Emmanuel Macron,li ser hevkariya dualî axivîne û di çarçoveya rêzgirtin û berjewendiyên herdu welatan de li ser rêyên bipêşxistina peywendiyan axivîne.

Tebboune bi berdewamî da zanîn ku hevdîtinên wan, hevdîtinên çêker bûne.