Serokwezîrê Swêdê Kristersson piştî têkçûna hilbijartinê dest ji kar berda

PeyamaKurd - Serokwezîrê Swêdê Ulf Kristersson ragihand ku piştî ku di hilbijartinên parlamentoyê de bloka opozîsyona navend-çep bi 176 kursiyan piraniya dengan bi dest xistiye wî dest ji kar berdaye.

Bloka rast a desthilatdar jî di hilbijartinê de 173 kursî bi dest xistibûn.

Kristersson di daxuyaniya xwe ya nivîskî de diyar kir ku ji bo avakirina hikûmeteke biîstîqrar divê hemû partî bi awayekî avaker tevbigerin û got ku wî serî li Serokê Parlamentoyê daye daku pêvajoya avakirina hikûmeta nû dest pê bike.