Şîva li Koşka Spî rastî êrîşê hat: Trump wêneyê êrîşkar parve kir
PeyamaKurd - Serokê Polîsên Washingtonê Jeffrey Carroll ragihand ku êrîşkarê li ser Şîva Nûçegihanên Koşka Spî bi tivingeke nêçîrê, demançeyek û çend kêran hatiye girtin.
Hate diyarkirin ku êrîşkar Cole Allen ê 31 salî ye ku mamosteyekî ji bajarê Torrance yê Californiayê ye.
Li gorî zanyariyan, Allen li otêla Hiltonê ya ku şîv lê dihat lidarxistin mêvan bûye û xwe li odeyeke demkî ya nêzî embara erebeyên bar veşartiye.
Şahidên li cihê bûyerê diyar kirin ku êrîşkar çekên xwe ji hundirê çenteyekî derxistiye û di wê devera ku ew lê veşartî bû de tu tedbîrên ewlehiyê jî tune bûn.
The White House Correspondents’ Dinner shooter was armed with a shotgun, handgun, and multiple knives, according to DC police chief Jeffrey Carroll.
— Collin Rugg (@CollinRugg) April 26, 2026
The shooter was identified as 31-year-old teacher Cole Allen from Torrance, California.
The suspect emerged from a "makeshift… pic.twitter.com/aUK5m6AwCr
Trump wêneya êrîşkar parve kir û spasiya tîmên ewlehiyê kir
Serokê Amerîkayê Donald Trump, piştî ku bi silametî ji cihê bûyerê hat dûrxistin, wêneyê êrîşkar ê piştî girtinê li ser hesabê xwe yê medyaya civakî parve kir.
Di wêne de tê dîtin ku êrîşkar bi kelepçekirî li erdê dirêjkirî ye. Trump di daxuyaniya xwe ya yekem de ragihand ku ew, xanima yekem, cîgirê serok û hemû endamên kabîneyê baş in. Trump spasiya tîmên Parastina Taybet (Secret Service) û hêzên ewlehiyê kir ku bi awayekî bilez û wêrek midaxele kirine û rê li ber karesatekê girtine.