Supaya Pasdarên Îranê êrişên li dijî Îsraîlê rawestandin

PeyamaKurd - Supaya Pasdarên Îranê bi daxuyaniyeke fermî ragihand ku wan êrişên xwe yên leşkerî yên li dijî Îsraîlê bi awayekî demkî rawestandine. Artêşa Îranê destnîşan kir ku ev biryara rawestandina operasyonan hatiye girtin, lê belê heke artêşa Îsraîlê careke din êrişî ser xaka Lubnanê bike, ew ê bêdeng nemînin û dê bi tundî bersiva van pêngavan bidin.

Hişyariya Îranê Ya Ji Bo Lubnanê

Ev daxuyaniya Supaya Pasdaran di demekê de tê ku aloziya li herêmê di asta herî jor de ye û metirsiya berfirehbûna şer heye. Fermandariya leşkerî ya Îranê hişyariyeke zelal da Tel Avîvê û ragihand ku parastina ewlehiya eniya Lubnanê ji bo wan xeteke sor e û her destwerdaneke nû ya leşkerî dê bibe sedema destpêkirina êrişên mûşekî û dronî li herêmê.