Trump: Agirbesta bi Îsraîlê re rojek dîrokî ye ji bo Lubnanê
PeyamaKurd - Serokê Amerîkayê Donald Trump diyar kir ku roja ku agirbesta di navbera Lubnan û Îsraîlê de dest pê kir rojek dîrokî ye ji bo Lubnanê, hêvî kir ku Hizbullah di dema pêvajoya agirbestê de "bi aqilmendî û guncaw" tevbigere, û destnîşan kir ku êdî dem hatiye ku komkujiyan rawestînin û aştî were avakirin.
Donald Trump di postek li ser "Truth Social" roja Înê, 17ê Nîsana 2026an de geşbîniya xwe ya di derbarê agirbesta di navbera Îsraîl û Lubnanê de anî ziman.
Trump diyar kir, "Îro dikare ji bo Lubnanê rojek dîrokî be. Hin tiştên erênî di rê de ne."
Di daxuyaniyek berê de li ser heman platformê, Trump got, "Ez hêvî dikim ku Hizbullah di vê qonaxa krîtîk de bi guncaw û aqilmendî tevbigere; heke ew bikin, ew ê ji bo wan kêliyek mezin be. Di dawiyê de, divê aştî bi awayekî aram were bidestxistin."
Ev daxuyaniyên Trump di demekê de hatin ku agirbesta di navbera Lubnan û Îsraîlê de ket meriyetê. Trump dubare kir ku aştî dê di navbera her du welatan de were bidestxistin û peymana agirbestê Hizbullah jî di nav xwe de digire. Derbarê hewldanên dîplomatîk de, Trump wiha got:
"Ev mijarek pir balkêş e ji ber ku di 48 salan de cara yekem e ku tiştekî wisa diqewime; Bibi Netanyahu û Serokê Lubnanê li vir li Qesra Spî dicivin. Min îro bi herduyan re jî axaftinên telefonê yên pir baş kirin."