Trump: Îran bi rastî peymanekê dixwaze

PeyamaKurd - Serokê Amerîkayê Donald Trump got, "Îran bi rastî peymanekê dixwaze û ev peyman wê hem ji bo Amerîkayê û hem jî ji bo kesên ku bi me re dixebitin sûdmend be."

Di daxuyaniyekê de ku îro (Duşem, 1ê Hezîrana 2026an) li ser platforma medyaya civakî ya Truth Social hat kirin, Trump li ser danûstandinên berdewam ên bi Îranê re şîrove kir.

Trump diyar kir, "Îran bi rastî peymanekê dixwaze û ev peyman wê hem ji bo Amerîkayê û hem jî ji bo kesên ku bi me re dixebitin sûdmend be."

Donald Trump destnîşan kir ku Demokrat û hin Komarparêz bi berdewamî pêvajoyê rexne dikin û got ku carinan ji wî tê hêvîkirin ku zûtir û carinan jî hêdîtir bimeşe.