Trump ragihand: “Ti têkiliya me bi teqîna peyka Îranê tine ye”

PeyamaKurd- Dewleta Îranê xwest ku peykekî bişîne fezayê lê di roketa rampa wê de teqîn çêbû. Li ser bûyerê serokê Amerîkayê Trump got ku ti têkiliyeka wan bi teqîna rampayê re tineye û ji Îranê re serkeftin xwest. Trump di ser hesabê xwe yê Twitterê de weha got:

“ Ti têkiliyekî an rolekî Amerîkayê bi qeza berbat ya baregeha Semnanê ya Îranê ku dema xwest peyka xwe ya bi navê Safîr SLV bişîne fezayê çêbû, tine ye.”

Trump bi peyama xwe re, wêneyê bûyerê jî yê ku ji setelaytê hatiye kişandin belav kir û ji Îranê re şans xwest.