TR KU SO
FB X
Kurdistan

13 baroyên herêmê li dijî binçavkirinan daxuyaniyek weşand

Admin H
Nivîskar
📅 18 mijdar 2026 11:51

PeyamaKurd - 13 baroyên herêmê li hemberî binçavkirina parêzerên endamên ÇHDyê yên bi navenda Îzmîrê, operasyona li dijî rêveber û endamên Hevbendiya Neteweyî ya Kurdistanê (HEVBENDÎ) û tayînkirina qeyûm a li ser kanala Sozcu TVyê nerazîbûneke tund nîşan da û daxuyaniyeke hevpar belav kir.

Baroyan di daxuyaniya xwe de tekez kir ku ev kar û kiryar li dijî prensîbên dewleta hiqûqê, mafê parastinê, siyasiya demokratîk û azadiya çapemeniyê ne.

Wekî din hate diyarkirin ku binçavkirina siyasetmedaran li ser bingeha Madeya 302yê ya TCKyê ("Têkbirina yekîtiya dewletê û yekparçeyiya welat") û biryardana sînordarkirina hevdîtina bi parêzeran re ji bo 24 demjimêran, di warê mafên bingehîn û azadiyan de fikarên kûr ên hiqûqî çêdikin.

Baroyan banga rawestandina van destwerdanên neyasayî kir û daxwaz kir ku sînordarkirinên li ser mafê parastinê demildest bên rakirin.

Baroyên ku daxuyanî îmze kirine:

Baroya Agiriyê

Baroya Êlihê (Batman)

Baroya Çewlikê (Bingöl)

Baroya Bitlîsê

Baroya Dêrsimê

Baroya Amedê (Diyarbakır)

Baroya Colemêrgê (Hakkari)

Baroya Îdirê

Baroya Mûşê

Baroya Rihayê

Baroya Sêrtê

Baroya Şirnexê

Baroya Wanê

Parve bike: