Elî Zeydî û Mesrûr Barzanî bi rêya telefonê axivîn: Êrîş bi tundî hat şermezar kirin

PeyamaKurd - Serokwezîrê Iraqê yê Federal Elî Falih Zeydî di 18ê Tebaxa 2026an de peywendiyeke telefonî ligel Serokwezîrê Herêma Kurdistanê Mesrûr Barzanî pêk anî.

Di hevdîtinê de, Serokwezîrê Federal êrîşa dronî ya ku li ser ofîsa taybet a Serokwezîrê Herêmê û cîhê mayîna Rêveberê Ajansa Parastinê ya li Pîrmamê hatibû kirin, bi tundî şermezar kir. Zeydî diyar kir ku ev cure êrîşên ku serweriya Iraq û Herêma Kurdistanê dikin target "bi ti awayî nayên qebûlkirin."

Ji aliyê xwe ve Serokwezîr Mesrûr Barzanî ji bo vê peywendiyê û şopandina rasteqîn a mijarê spasiya Serokwezîrê Federal kir.

Her du aliyan teqezî li ser girîngiya hevahengî û hevkariya zêdetir di navbera Bexda û Hewlêrê de kir ji bo parastina asayîş, aramî û serweriya giştî ya axa Iraqê û Herêma Kurdistanê.