Li Colemergê sivanekî 18 salî bi guleya leskeran birîndar bû
PeyamaKurd – Li bajarê Colemêrgê Bakurê Kurdistanê, piştî ku çend roj berê 2 ciwan ji aliyê leşkeran ve bi guleyan hatin birîndarkirin, şivanekî ciwan ê ku pezê xwe biribû çêrê jî bû armanca guleyên leşkeran û hat birîndarkirin.
Li gorî zanyariyan li gundê Yeşîlova yê girêdayî navçeya Rûbarokê yaColemêrgê, ciwanê bi navê Mehmet Dînç ê 18 salî bû armanca guleyên leşkeran ku pezê xwe biribû çêrê.
Parlamenterê HDPê yê Colemergê Saît Dede li ser Twitterê vîdyo dîmena birîndarbûna wî ciwanî belav kir û tê de got, Mehmet Dînç dema pezê xwe dibir çêrandinê ji aliyê leşkeran ve ji rahnê xwe hatiye birîndarkirin û got, xelkê herêmê di rewşeke awarte de dijîn û dibin armanca guleyan.
18 yaşındaki Mehmet Dinç hayvanlarını almaya gittiği sırada askerler tarafından bacağından vurularak yaralanmıştır.#Derecik ilçemizde adı konulmamış bir sıkıyönetim hali yaşanmakta hergün yurttaşlarımız kurşunların hedefi olmaktadır.@HakkariOhd pic.twitter.com/qbH95q857c
— Dr. Sait Dede (@DrSaitDede) May 22, 2021