Li Kerkûkê banê avahiyê bi ser karkeran de herifî: 2 mirî, 19 birîndar

PeyamaKurd - Li bajarê Kerkûkê yê derveyî Îdareya Herêma Kurdistanê di dema xebata li ser banê avahiyekê de karesateke mirovî rû da û di encamê de du karkeran can da û 19 kesên din jî birîndar bûn.

Berdevkê Polîsên Kerkûkê ragihand ku ev bûyer îro Duşemê (27ê Nîsana 2026ê) ji nişkê ve qewimiye û hejmareke zêde ya karkeran di bin kavil û çîmentoyê de mane.

Tîmên berevaniya şaristanî û hawarhatinê tavilê gihîştin cihê bûyerê daku qurbaniyan rizgar bikin. Birîndarên ku rewşa hinek ji wan giran e ji bo nexweşxaneyên bajêr hatine veguhestin.

Rexneyên tund li ser kêmasiyên endazyarî û ewlehiyê

Şahidên bûyerê û karkerên rizgarbûyî rexneyên tund li awayê avakirina avahiyê û nebûna çavdêriya endazyarî girtin.

Hat diyarkirin ku ji bo qedandina avahiyê bi lez hatiye tevgerîn û pîvanên teknîkî nehatine parastin. Karkerekî rizgarbûyî got: "Ev ne balafira kaxezê ye, canê mirovan tê de ye."

Berdevkê Polîsên Kerkûkê eşkere kir ku hêzên ewlehiyê ligel xwediyê projeyê û serpereştiyarên kar dest bi lêkolînê kirine daku sedemên teknîkî û îhmalkariya li pişt vê karesatê derxin holê û berpirsyar werin cezakirin.