Mesrûr Barzanî: Pêwendiya xurt a Hewlêr û Washingtonê ji bo parastina herêmê girîng e

PeyamaKurd - Serokwezîrê Herêma Kurdistanê Mesrûr Barzanî piştî civîna bi Wezîrê Berevaniyê yê Amerîka Mark Esper re li Munchenê ragihand, Pêwendiya bihêz a Hewlêr û Washingtonê bo parastina herêmê girîng e.

Serokwezîrê Herêma Kurdistanê Mesrûr Barzanî li ser hesabê xwe yê medya Civakî Twitterê peyamek weşand. Barzanî di peyama xwe de nivîsî: “Di civîna bi Wezîrê Berevaniyê yê Amerîka Mark Esper re, me tekez kir, pêwendiya bihêz a di navbera Herêma Kurdistanê û Amerîka de bo parastina Herêma Kurdistanê, Iraq û herêmê girîng e”. 

During my meeting with Secretary of Defense Mark Esper, we agreed that strong KRG-US ties are crucial in protecting security in Kurdistan, Iraq and across the region. @EsperDoD #MSC2020 pic.twitter.com/qQoXu0pGYs

Serokwezîrê Herêma Kurdistanê Mesrûr Barzanî îro di roja duyemîm a Konferansa Ewlekariyê ya Munchenê 2020an de, bi Wezîrê Berevaniyê yê Amerîka Mark Esper re civiyabû.

Mesrûr Barzanî di civîna îsal de, bi hejmarek serok, serokwezîr, wezîr û serkirdeyên welatên cîhanê re çendîn civînan pêk tîne.