Mesrûr Barzanî û Şêwirmendê Asayîşa Niştimanî yê Brîtanyayê Civiyan
PeyamaKurd - Serokwezîrê Herêma Kurdistanê Mesrûr Barzanî, pêşwazî li Şêwirmendê Asayîşa Niştimanî yê Brîtanyayê Jonathan Powell kir.
Di civînê de, ku Balyozê Brîtanyayê li Iraqê û Konsulê Giştî yê wî welatî li Herêma Kurdistanê jî amade bûn, rewşa ewlehî û giştî ya Herêma Kurdistanê, Iraq û herêmê hat nirxandin.
Her du aliyan tekez li ser girîngiya parastina aramiya herêmê, xurtkirina peywendiyên dualî û hevahengiyê kirin; bi taybetî li ser hevkariya ji bo rûbirûbûna koça neyasayî lihevkirin hat çêkirin.
Di beşeke din a hevdîtinê de, pêvajoya siyasî ya navxweyî ya Herêma Kurdistanê hat rojevê.
Her du aliyan behsa hewldan û danûstandinên ji bo çalakkirina Parlamentoya Kurdistanê û bilezûbeziya pêkanîna kabîneya nû ya Hikûmeta Herêma Kurdistanê kirin.