Nêçîrvan Barzanî ji bo mirina Şêx Ehmed bin Raşid Al Maktum sersaxî xwest

PeyamaKurd - Serokê Herêma Kurdistanê Nêçîrvan Barzanî li ser hesabê xwe yê Xê peyameke sersaxiyê ji bo Cîgirê Serokê Dewleta Îmaratê, Serokwezîr û Mîrê Dubayê Şêx Muhammed bin Raşid Al Maktum, malbata mirî û malbata rûmetdar a Al Maktum weşand.

Nêçîrvan Barzanî sersaxiyên xwe yên herî kûr pêşkêşî serokatî û gelê Îmaratê kir û koçakirina Şêx Ehmed bin Raşid Al Maktum wekî xemgîniyekê da diyarkirin.

Di peyamê de hate gotin ku ew ji Xwedayê Mezin rehm û dilovaniyê dixwazin, ku wî bixe buhişta xwe û sebir û aramiyê bide malbat, xizm û hezkiriyên wî.

Peyam bi gotina "Em ji Xwedê re ne û em ê dîsa vegerin cem Wî" bi dawî bû.